AR rama LSC nei zingah mi pariatin LSC an pe lêt

Land Revenue & Settlement (LRS) minister Lalruatkima chuan ZPM member VL Zaithanzama zawhna ziaka chhángin, Assam Rifles luah ram chhunga LSC nei mi pariatin an LSC-te sorkarah an pêk lêt thu a tarlang.

Assam Rifles ram chhunga LSC neite sorkarin tih zui a tum dan zawhna chhángin Lalruatkima chuan, "Assam Rifles ram chhunga LSC neite chungchangah Central YMA-in PIL case an file a, subjudice a nih avangin hmalak zel dan tur hriat a la ni lo," a ti a; AR ram chhungah LSC nei mek mi 54 an awm thu a tarlang.