Kuminah ASF vangin vawk 10,569 thi

Kumin February 4 aṭanga nimin September 8 thleng khan Mizoramah vawk pûl hri African Swine Fever (ASF) vangin vawk 10,569 a thi a; nikum March-October chhunga ASF vanga vawk thi 29,442 aiin 18,873-in a tlem zawk.

AH&Vety department aṭanga thu dawn danin, nikum khan thla 8 chhungin ASF lênna khua/ veng 271 a awm laiin, kuminah chuan thla 8 vel chhung hian khua/veng 146 a awm a; hemi chhung vêk hian nikumah vawk 10,380 suat a ni a, kuminah vawk 9,482 suat a ni.

Kumin hian ASF infected area khua/ veng 146-ah vawk 10,569 a thi tawh a, vawk hri lênna nia rinhlelh (suspected area) khua/ veng 71-ah vawk 932 a thi tawh. ASF vangin infected area leh suspected area 271-ah vawk 9,482 suat a ni tawh bawk.