National Nutrition Week hmang

National Health Mission (NHM) hnuaia Rashtriya Kishor Swasthya Karyakram (RKSK) chuan nimin khan Champhai IPR auditorium-ah tleirawl leh râwltharte tan chaw ṭha leh hrisel ei pawimawhna inzirtirna hapta, National Nutrition Week an hmang ṭan a, National Nutrition Week Rally an buatsaih nghal.

National Nutrition Week ṭannaah hian inkhawm kaihruaitu Champhai chief medical officer Dr R Lianmawia chuan, Week puala hun hman chu râwlthar leh tleirawlte tana pawimawh, an ṭhan lenna kawnga puitu tur a nih thu sawiin, kal khawmte chu an thil zir leh hmuhte mi dang zirtir zel turin a chah. RKSK district coordinator K Lalengliani leh NHM district programme manager C Lalramengi ten thil pawimawhte an zirtir bawk.