MNF party-in lawmthu an sawi

MNF party chuan thuchhuah siamin, Mizoram hmun hrang hranga local council leh village council by-election neihah seat 65 zinga seat 33 an la chu lawmawm an tih thu an tarlang a; by-election hlawhtling taka neih a nih theihna tura vote thlâktu mipui leh inthlan buaipuitute leh, MNF candidate thlangtute chungah lawmthu an sawi.

MNF chuan, inthlan result hian chief minister Zoramthanga hruai MNF sorkar mipuiin an la rin tâwkzia a tilang nia sawiin, "Hripui léng leh harsatna hrang hrang karah chak takin he sorkar hi a kal zel a, hma a sawn zel a ni tih mipuiin an pawm tih an entirah kan ngai," an ti. LC/VC inthlana tling zawng zawngte duhsakna an hlan bawk.