Chakma pun dan dik lo thehdarhah puh

Chakma National Council of India (CNCI), Mizoram State hruaitute nimina Kamalanagar-a ṭhukhawm chuan, Mizo tlawmngai pawlte leh ZNP-te chu Mizorama Chak­ma awm zat leh pun dan dik lo thehdarhah an puh.

CNCI chuan, NGO leh ZNP-ten Union Home Minister leh Joint Parliamentary Committee for Citizenship Amendment Bill Chairman hnena memorandum an thehluha Chakma population an tarlante chu tihdanglam chawp niin an tarlang a, "Chakma duh lohna Mizo mipui rilru thianghlim tak takteah tuh an tum a ni," an ti.

CNCI chuan Mizoram mihring leh Chakma awm zat leh punna zat an tilang a; an data chu Directorate of Economics & Statistics-in Mizoram at a Glance 2001 an buatsaih aṭanga an lak a nih thu an tarlang.