NGO leh CM-in MBBS seat hloh sawiho

Chief minister Lal Thanhawla leh NGO Coordination Committee hruaitute chu nimin khan Chief Minister's Office-a Cabinet room-ah an inkâwm a; Central quota-a Mizoramin MBBS seat a hloh chungchang an sawiho.

Chief Minister chuan, MBBS seat neih belh leh a nih theihna atan theihtawpa hma a lak thu sawiin, "Sorkar laipui dawr turin Higher & Technical Education Minister ka tír a, ani hian ka lehkha pawh a keng a ni," a ti a; MBBS seat an neih belh ngei theihna atan theihtawp a chhuah thu a sawi.

Chief Minister hian MBBS seat Mizoramin a neih tlem tak chungchangah hian nimin khan Union Health minister hnenah lehkha thawnin, MBBS seats kum 2017-18 chhung atan Mizoram in 17 chiah a nei ta chu thil tih dikloh a nih thu leh Mizoramin doctor a mamawhna a sang hle tih tarlangin, Mizoram tana MBBS seats pek ṭhin chu 25 ah tihpun leh nise a duh thu a hrilh.

Inkawmnaah hian Joint NGO aṭangin Central YMA, MZP leh MSU president leh general secretary-te an tel a ni.