RIO tui hralh lo turin hriattir

Health department-a Food Safety Commisio­ner chuan nimin khan hriattirna tichhuakin, Mi­zorama tui in tur (pack­aged mineral water) siam chhuah, RIO chu Bureau of Indian Standard (BIS) certificate nei loa siam a nih thu a tarlang a; hei vang hian RIO tui chu hralh chhuak tawh rih lo turin a hriattir.

Food Safety Commi­sioner order-a a lan dan­in, RIO packaged drin­king water chu BIS certi­ficate nei lo a nih avangin mipuite hriselna atan a him lo thei a; BIS certificate an neih hma chuan packaged water siam chhuak rih lo tur leh an pek chhuah tawhte pawh la kir vek turin a hriattir a ni. RIO tui siamtu, Fiara Tui, Industrial Growth Center, Luangmual chu thla khat chhunga BIS certificate nei turin a hriattir bawk.