BJP-in ACB-ah FIR an thehlut

BJP, Mizoram Pra­desh-a Vigilance Cell chuan, PWD Aizawl Road South Division hnuaia retaining wall siam anga sawi, hna thawh awm si lo, pawisa lak chhuah si a awm niin an hria a; chumi chungchang chu chhui a, thil dik lo titu hrem a nih theih nan nimin khan Anti Corruption Bureau (ACB) SP John Neihlaia hnenah FIR an thehlut.

BJP Vigillance cell chuan, PWD Aizawl Road South Division chhunga kum 2015-16 inkara retaining wall siam zat leh estimate amount-te RTI Act hmangin an dil tih an tarlang a; "Information-in retaining wall siam anga a tarlan hmun hrang hrang 25-te chu enfiahin, hna thawh a awm mumal lo tih kan hmu chhuak a. Hmun 25-a hna thawk anga an insawinate hi total estimate amount chu Rs. 67,75,000 a ni," an ti.