Naupang tana beihpui thlakna zirho

Lunglei District Child Protection Unit (DCPU) leh Lunglei SP pisa ṭangkawp chuan, nimin khan Lunglei Circuit House conference hall-ah naupang bo leh vâkvaite ṭanpui beihpui thlakna, 'Opera­tion Muskaan-III' zirhona an buatsaih a, Lung­lei DC Lalzarmawii'n a hmanpui.

Lalzarmawii chuan, naupangte humhalh chu sorkarin a ngai pawimawh tih sawiin, "Department hrang hrang ṭangkawpte'n chak takin hma an la chho zel dawn a. Mizoram hi ram chhung state dangte ang­in naupang hnathawk (child labour) awm ve lo mah se, naupang kum tling lo state páwn­a hnathawk tura hruai chhuah an awm ṭhin hi a pawi hle," a ti.

Training hi Lunglei DCPO Lalrinkimi Hmar-in a kaihruai a, operation kalpui a nih dan tlangpui sawifiahin, mithiamte'n thupui hrang hrang hmanga an thuziakhe zirho a ni. Training-ah hian Lunglei district-a police officer te, DCPU hnathawkte leh Child Welfare Committee member-te an tel.