Chakma zirlaite'n BD Chakma an thláwp

All India Chakma Students' Union (AICSU) chuan thuchhuah siamin, Dr BD Chakma'n minister of state a nihna aṭanga bànna, August 21, 2017-a a thehlut chu ṭha an tih thu leh an thlàwp thu an tarlang.

AICSU chuan, Dr BD Chakma chuan NEET-a tling Chakma zirlai palite Mizoram quota-a zir thei lo tura tih an nih vanga lungawi loh lantir nan minister of state a nihna aṭang­in bànna a thehlut niin an tarlang a; Chakma zirlaite'n Mizoramah nêkchêpna an tâwk nasa hle niin an sawi bawk.

AICSU tarlan danin, Chakma zirlai pali, NEET 2017-a tlingte chu - Darshan Chakma s/o Sunity Ranjan Chakma (NEET Mizoram rank no. 4), Nibir Chakma s/o Joy Kumar Chakma (rank no. 9), Mini Chakma d/o Pritimoy Chakma (rank no. 17) leh, Nibhir Tongchangya s/o KK Tongchangya (rank no. 23)-te an ni.