FOCUS chungchang sawiho

Kolasib District Level Coordination Committee chu nimin khan district bawrhsap Dr H Lalthlangliana hoin DC conference hall-ah an ṭhukhawm a; Fostering Climate Resilient Upland Farming Systems (FOCUS) chung­chang an sawiho.

Dr H Lalthlangliana chuan, FOCUS hmalaknate chu khawvel boruak dang­lam zelah, ei leh bar zawnna atana a pawimawh thu sawiin, FOCUS hmalaknate tihhlawhtlin a nih ngei theih nan ṭhahnemngai taka thawk turin kal khawmte a sáwm a, "Hmalaknate chak lehzuala kalpui a nih theih nan department hrang hrangte nen thawhho ṭhat a pawimawh," a ti. Kolasib DAO J Rothanga chuan, kum 2020-21 chhunga an district chhunga FOCUS hmalaknate leh harsatna hrang hrangte a tarlang a ni.