Rs. 200 note siam dawn

Reserve Bank of India (RBI) chuan Rs. 200 note a siam dawn a, hei hi India rama Rs. 200 note siam hmasak ber tur a ni.

Rs. 200 note siam a ni dawn tih hi Ministry of Finance chuan a nemnghet tawh a, kumin August chawlhkar tawp emaw, September chawlhkar hmasa berah emaw tihchhuah hman tum a ni.

November 2016-a sorkar laipuiin pawisa note pahnih, Rs. 500 leh Rs. 1,000 a tihthih hnuah pawisa note indaih lohna a nasa a, he harsatna chin fel dan kawng zawngin sorkar chuan hma a la mek zel.

Pawisa note lian indaih lohna phuhrûk nan hian Rs. 2,000 leh Rs. 500 note thar tihchhuah a lo ni tawh a, RBI chuan Rs. 50 note thar erawh a tichhuak dawn tih a lo sawi tawh bawk.