Excise-in rakzu litre 290 an man

Excise & Narcotics department enforcement-te chuan, nimin khan Phunchawng leh Rang-vamualah dan loa zu zuar leh zu siamnate an dap leh a, rakzu litre 290 an man.

END hian tun hnai­ah ṭum eng emaw zat Phunchawng leh Rangvamualah zu dap beihpui an thlak tawh a, zu an man ṭhin bakah, zu siamna hmunte an tichhe ṭhin. Nimina an dap lehnaah pawh hian zu siamna hmun eng emaw zat an tichhia a, rakzu litre 290 an man bakah, zu bilh lai ṭín 1,070 an tichhia a, zu siamna hmanrua eng emaw zat an man leh a ni.

END hnathawkte chuan, khualzin phur lirthei khalhtute zingah MLP Act bawhchhiaa lirthei khalh laia zu in, zu nam leh rui an awm leh awm loh an enfiah mek zel a; Aizawl khaw daifêmah duty-in, maxicab leh bus driver-te chu breath analyser an hamtir ṭhin a ni.

Lirthei khalhtute an enfiah ṭhin chu hrethiam turin END chuan passenger-te an ngen.