Dr. BD Chakma banna Governor-in la pawm lo

Dr Buddha Dhan Chakma-a'n minister of state aṭanga bànna a thehluh chu Chief Minister Lal Thanhawla'n a pawm thu Governor hnenah thlen tawh mah se, nimin chawhnu thleng khan Governor-in thutlukna a la siam lo.

Vanglaini palaiin nimin chawhnua Raj Bhavan a tlawh lai chuan Chief Minister-in Dr BD Chakma bànna thehluh a pawmna hi Governor hnenah thehluh a ni tawh a; mahse, Larsap hian thutlukna a la siam lo a, pawm ngei tura rin a ni.

Tarlan tawh angin, CM Lal Thanhawla chuan Dr BD Chakma bànna a pawm thu hi Thawhlehni tlai dar 5 vel khan Go­vernor pisaah a thawn pheitir a ni.