Dampa Tiger Reserve-ah Serhmun rîn luh a ni dawn
Mamit DC Lalbiaksangi chuan thuchhuah siamin, preliminary notification No. B. 12012/20/2013-FTS. Dt. 24.7.2017 tarlan angin, Serhmun village council area chu Dampa Tiger Reserve huam chinah rìn luh tum a nih thu a tarlang.
Mamit DC chuan, Dampa Tiger Reserve huam chin zauhna tur hian Wildlife (Protection) Act, 1972 Section 18 leh Section 19-25 in a tarlan angin, ram lak tur huam chhungah mimal leh pawl, ram, in leh lo chunga neitu nihna nei an awm leh awm loh hriat a ṭul thu a tarlang a, "Ram lak tur huam chhungah pawl emaw mimal emaw, in leh lo, ram chunga neitu nihna hauhtute chuan thla hnih ral hma emaw, October 2, 2017 ral hma ngeiin Mamit DC hnenah ziakin an thil neihte kimchang takin an thehlut tur a ni," a ti.
DC hriattirnaa a lan danin, lehkha thehluttu chuan LSC/ periodic patta (attested photo copy) te, ram chuh buaitu an awm loh thu affidavit hmanga ziahna te, ram huam chhunga in leh lo, thlai leh thil hlu inbun nghet tawh awmte kimchang taka tarlan tur a ni.