Minister Thanzara tih dan ṭha ti lo

MNF ṭhalaite chuan thuchhuah siamin, PWD chu minister Lal Thanzara chan a ni lo chung leh cabinet minister-in cabinet minister dang a pui thei lo chunga chief minister Lal Thanhawla chan PWD leh Power & Electricity department a enkawlpui ni âwm taka department pahnih hotute a ko khawm fo chu ṭha lo an tih thu an tarlang.

MNYF chuan, Chief Secretary-in zawhna a chhannaah, cabinet minister-in cabinet minister dang a puih theih loh thu chiang takin a lang tih sawiin, "Hei hian kan ram hruaitu lu berte’n dân an pawisak lohzia a tilang. Cabinet minister Pu Lal Thanzara’n a u CM Lal Thanhawla a pui nia ngaih theiha thil a awm hi kan ram leh hnam tan a him lo niin kan hria," an ti.

MNYF chuan, tun hnuah ram inrêlbâwlna ṭha zawk leh felfai zawk a awm theihna turin dân phal baka mahni department chan loha inrawlh tawh lo turin minister Lal Thanzara leh CM Lal Thanhawla te an phût a ni.