MRB branch 86-na hawn a ni

Mizoram Rural Bank branch 86-na, Marpara Branch chu hna thawk nghal thei turin nimin khan MRB Head Office-a chief mana­ger Lal­chhanhimi'n a hawng.

Lalchhanhimi chuan, Marpara Branch hawn thar chuan Mamit district chhunga khaw tam tak tan awlsamna a thlen ngei a beisei thu a sawi a, "A chhehvel khaw mipui pawhin hmasawnna atan an hman ngei ka ring," a ti.

Regional Rural Bank Act (1976) hmanga September 27, 1983-a din Mizoram Rural Bank hian RD block zawng zawngah branch a nei vek a, kum 2011 aṭang khan CBS hmangin branch zawng zawng an thlun zawm a ni.

Kum 2019-20 financial year chhung khan MRB-ah hian pawisa dah luh (total deposit) chu vbc. 3,478.13 a ni a, total advance (pek chhuah) chu cheng vbc. 1,535.43 niin, total business chu cheng vbc. 5,013.56 a ni.