Hnahlan Winery-ah grape her leh ṭan

Hnahlan Grape Growers’ and Processing Cooperative Society chuan hun eng emaw chen hnuah nimin aṭang khan Hnahlan Winery-ah grape an her leh ṭan a, grape her ṭanna hun hi bialtu MLA Dr ZR Thiamsanga'n a hmanpui.

Dr ZR Thiamsanga chuan, grape chíngtute thawh rah a tak ngeia a hmu chu vannei a intih thu a sawi a, "Hnahlan khua hi tun hma zawnga grape vanga hmingthang, rawih ral ta mai anga an sawi ṭhin chu dâwt a nihzia a hmun ngeia hmutu ka ni. Sorkarin grape a ngai pawimawh a, a chíngtute tihnual zawnga dan leh hrai duan a tum lo," a ti.

Hnahlan Grape Growers’ and Processing Cooperative Society chuan Hnahlan Winery-a her turin tun thla tìr aṭang khan grape chíngtute thar grape an lei khawm a, an her ṭannaah hian quintal 200 vel an her dawn a ni.