Ar vulhtute hamṭhatna ngaihtuah

Chief minister Zoram­thanga hoin nimin khan a pisaah AH&Vety minister Dr K Beichhua leh department hotute'n Mizoram­a ar vulh­tute hamṭhatna tur an ngaihtuah. Meeting-ah hian, phai aṭanga ar notê leh ar chaw châwk luh ngai loa tual­chhunga intodelh theihna tura ruahmanna awmte sawiho a ni a; ar chaw chungchangah hian, man tláwm zawka ar chaw siam chhuah leh supply theih dan tur zir chian ni se, tih a ni.

Meeting-a tarlan dan­in, Mizoramin chawlhkár khata ar notê a mamawh zat chu 60,000 vela chhût a ni a, AH&Vety department hatchery-a ar note awp keu theih zat chu kar tin 20,000 vel a ni. Ar note mamawh zat phuhrûkna atan hian Rural Infras­tructure Development Fund (RIFD) hnuaiah hmalak tum a ni.