Overdraft hmangin RBI-ah Ṭum ruk sum pûk a ni tawh

Mizoram sorkar chuan sorkar kum kal mek 2022-23 chhungin Reserve Bank of India (RBI) aṭangin overdraft hmangin ṭum ruk sum a pûk tawh a, a puk zat belh khawm chu cheng vbc. 256.39 a ni.

Assembly session neih zawh taka ZPM member Lalduhoma zawhna ziaka chhangtu chief minister Zoramthanga, Finance changtuin a tarlan danin, Mizoram sorkarin kum 2022-23 chhungin overdraft hmangin July 21, July 22, July 26, July 30, August 1 leh August 2-ahte RBI aṭangin sum a pûk a ni.