Mission Veng kum 125-na lawm ṭan

Mission Veng chuan kumin 2022-a kum 125 an tlin an lawm ṭan a, September 8, Ningani zan khan Synod Conference Centre-ah an hawng.

Mission Veng kum 125-na lawmna hawn­na inkhawm hi Local Council chairman Ramengmawia'n a kaihruai a; kum 125-na lawmna chu Mission Veng Kohhrana kohhran upa zinga min ber Upc C Hualkunga'n a hawng.

October 23, 1897 khan Zosap missionary hmasa ber Rev. FW Savidge (Sapupa), Rev. JH Loraine (Pu Buanga) leh Rev. DE Jones (Zosaphluia)-te chu Thingpuihuan Tlang (tuna MacDonald Hill) aṭangin tuna Mission Venga Banglapui awmna­ah hian an insawn a, an insawn ní chu Mission Veng din ṭan ní-ah pawm a ni.

Mission Veng kum 125-na hi kawng hrang hrangin lawm a ni dawn a, a lawmna pui ber chu October 23, 2022-ah neih tur niin, December 2, 2022-ah khàr a ni ang.