Mizoramin hma lam hun êng a neih nan BJP kan sorkar a ngai - BJP President

BJP, Mizoram Pradesh president Vanlalhmuaka chuan, Mizoram sorkarin tun thlenga a hnathawkte hlawh a la pe kim thei lo chu manganthlak a tih thu sawiin, Mizoramin hma lam hun êng a neih theih nan BJP sorkartir a ngai niin a sawi.

Nimina BJP pisaa inkhawmah thu sawiin Vanlalhmuaka chuan, Mizoram sorkarin sum leh paiah harsatna lian tak an tâwk tih chu mipuiin an hre chiang hle tih a sawi a, "Tun thleng hian sorkar hnathawk hlawh an la pe kim thei lo hi a manganthlak hle. Sorkar harsatna hriain sorkar hnathawk ṭhenkhat chuan voluntary pension hial an duh," a ti.