Delhi-a Chakma pawlte UN-ah an zualko

New Delhi-a All India Chakma Social Forum (AICSF) tih pawl invuahte chuan, Mizoramah Chakma-te'n diriamna chi hrang hrang an tawk nia tarlangin, inrawlh turin United Nations Organisation (UNO) an ngen tih an tarlang.

AICSF thuchhuah chuan, Mizorama Chakma-te lakah chi inthliarna a nasa a, state sorkar pawh a bâng lo nia sawiin, UN special rapporteur-te hnenah inrawlh turin ngenna an thlen tih an tarlang a; an ngennaah chuan, tun hnaaiah Mizoram quota-a MBBS zir tur thlannaah NEET-a tling Chakma zirlai palite Chakma an nih vangin hnâwl an nih thu an ziak a ni.

AICSF-in UN hnuaia mi thu an thlennate chu special rapporteur Mutuma Ruteere, Dr Koumbou Boly Barry leh Dr Fernand de Varennes te an ni.