Science pawimawhna zirho

Serchhipa District Education Office leh SCERT chuan, nimin khan Serchhip P&E Veng YMA Hall-ah zirlaite tan 'Swachh Bharat: Role of Science & Technology Promises and Challenges' tih thupui hmangin seminar an buatsaih.

Seminar hawn inkhawm hmanpuitu Serchhip DEO Lawmawma chuan, tunlai khawvel thiam­na ṭhang zelah science tel lo chuan khawsak a famkim thei lo tih sawiin, "Eizawnna atan leh mahni kea ding tura inbuatsaihna atan science a pawimawh tak zet a ni. Swachh Bharat Mission hi kan ramah nasa taka kalpui a ni a, a hlawh­tlinna tak tak chang tur­in science thiamna hmang­a beihpui thlak a ṭul," a ti.

Seminar-ah hian Serchhip district-a high school panga aṭangin zirlai pasarihte'n 'Swachh Bharat: Role of Science & Technology Promises and Challenges' tih thupui a lem nena entirin intihsiakna an nei a ni.