Khawpui tihfai dan tur ngaihtuah

Mizoram State Sanitation Task Force (MSTC)-in Mizoram khawpui fai ber a thlan turah, Mamit khawpuia hmalak dan tur ngaihtuahin nimin khan DC Lalbiaksangi hoin official leh NGO hruaitute an ṭhukhawm.

Lalbiaksangi chuan, faina kawnga khawpui inelna buatsaih chhan leh tehfung turte sawifiahin, "Inelna hi khawpui 23-te tan a ni a, category pahnih­ah ṭhen a ni. September 1-20, 2017 chhung­a endik tur niin, Mamit khawpui chu thlan chhuah a nih ve ngei theih nan khawtlang mipui zawng zawng ṭanruala thawhho a ngai dawn a ni," a ti.

Meeting-ah hian khawpui fai thlannaa Mamit khawpuiin hma a lak dan tur hrang hrang sawihoin, ruahmanna siam a ni a; chhung tin, pawl leh kohhrante tan khawtlang tifaia hnatlan ní ruat a ni.

Mamit khawpuia tuihâwk luankawrte chu YMA branch parukte'n an tifai dawn a, Village Council Sanitation Committee-te chu an veng ṭheuhah hma la tura tih an ni.