KHAWTHLIR

Nagaland palai
Nagaland sorkar hnuaia inner line permit (ILP) chungchang zir chiangtu Review Committee chuan, Mizoram ILP dinhmun zir turin nimin khan Aizawl an rawn thleng. Nagaland ILP Review Committee member-te hi mi pali an ni a; vawiinah Home department hotute leh Aizawl pisa hotute an kâwm dawn a ni.

Operation Kuskaan
Nimin khan Lawngtlai SP leh District Child Protection Unit ṭangkawp chuan, naupang vakvaite ṭanpui beihpui thlak (Operation Muskaan-III) chungchang zirhona an buatsaih a, Lawngtlaia Police officer leh staff-te, DCPU staff-te bakah, naupangte chanvo humhalh kawnga hma latu hrang hrangte an tel.

Office hawng
Hliappui Higher Secondary School office chu Nilaini khan School Education minister H Rohluna'n a hawng. H Rohluna chuan, khaw-tlang mipui inpekna entawn tlak a tih thu sawiin, sikul naupangte pawh ṭhahnemngai leh taima taka zir turin a fuih. Hliappui HSS-ah hian zirlai 70 an awm mek a ni.

Pawngsual dem
Bru Women Federation leh Bru Student Association-te chuan thuchhuah siamin, Sairanga Bru nu pakhat hnam dangin a pawngsual an dem thu an tarlang a; pawngsualtu Hajrat Ali (50), Assam chu dan anga a na thei ang bera hrem an phût tih sawiin, "Pawngsualtu man chungchangah Sairang Police leh Women Cell-te chungah lawmthu kan sawi," an ti.