Mumbai-a Covid-19 vei Mizo panga an fihlim tawh
Mumbai Mizoram House-a awm Mizo zinga Covid-19 vei tawh mi pasarih zinga panga chuan hripui an vei tawh lo tih finfiah a ni tawh a, mi dang pakhat chu a result negative tawh mah se, endikna hnuhnung (final test) a la hmabak.
Mumbai aṭanga Vanglaini thu dawn danin, Covid-19 vei tawh, a hnua vei tawh lo zinga pahnih chu Mizoram House-ah an lêt a, pakhat chu Salvation Army hmunah a awm a, pahnih chu quarantine centre-ah an la awm thung. Final test la hmabak mek chu damdawi-inah a awm mek a, Covid-19 la veia ngaih awm chhun chu quarantine centre-ah a awm bawk.