Naupang inkhawmpui hlim taka hman a ni

Nimin Pathianni khan Mizo Sunday School Union hnuaia naupang sunday school-te'n pastor bial hrang hrangah inkhawmpui an hmang.

Hmun tam zawkah chuan Covid-19 hripui léng vanga kum hnih chhung inkhawmpui neih a nih loh hnua inkhawmpui neih leh hmasak ber a ni.

Mizoram Presbyterian Kohhranah chuan naupang inkhawmpuiah hian naupangte'n thu leh hla hmangin Pathian thu an puang a; pastor bial tam takah naupangte an intihsiak laiin, bial eng emaw zatah chuan intihsiak a ni lo.

Hetih lai hian, UPC, North East India hnuaia Aizawl East District huam chhunga pastor bial hrang hrangte chuan September 9, 2022 (Zirtawpni) zan aṭang khan sunday school inkhawmpui an hmang a, nizan khan a ṭiak. UPC (NEI) Aizawl East District-ah hian pastor bial 31 a awm mek a ni.