Aizawlah ruihhlo a hluar

Mizoram Police chuan thuchhuah siamin, tunlaiin Aizawl khawpuiah ruih theih thil a hluar a, a pung nasa hle tih an tarlang a; hei vang hian Police-te'n theihtawp an chhuah a, ruihhlo zuara sumdawng ṭhinte an thlithlai reng ṭhin tih an sawi.

Police thuchhuah tarlan danin, August 24, Ningani 12:30 a.m. khan Zarkawtah Aizawl SP hnuaia DSB staff-te'n Gule Ahamad Laskar (42) s/o Idrich Ali Laskar, Loknathpur, Cachar, Assam leh Saidul Islam Laskar (22) s/o Moinul Hoque, Bangram, Cachar hnen aṭangin heroin gram 54.86 an man. Heroin an man hi tualchhunga an hralhna ang chuan Rs. 2,00,000 hû a ni.