Salvation Army hotu a lo zin

Khawvela Salvation Army (SA) hotu lú ber dawttu, London-a SA headquarters-a chief of the staff Com. Brian Peddle chuan nimin khan Aizawl a lo thleng a, August 28, 2017-ah Mizoram a chhuahsan leh ang.

Commissioner Brian Peddle hian vawiinah Ramhlun corps-ah Territorial Officer Council a neihpui dawn a, Inrinni zanah Bethlehem corps-ah hun a hmang ang. Pathianniah India Eastern Territory commander Com. Lalzamlova leh Territorial Women’s Ministries president Com. Nu-i te dahnghehna, Aizawl Temple-ah a nei ang a; zanah Bazar corps-ah hun a hmang leh dawn a ni.