RUSA-ah cheng nuai 1700 pek belh dawn

Higher & Technical Education (HTE) minister R Romawia chuan nimin khan Congress Bhavan-a inkhawmah thu sawiin, RUSA hnuai­ah Mizoramin project ṭul ang a thehluh aṭangin sorkar laipuiin cheng nuai 1700 a rawn pek belh dawn niin a sawi.

Minister R Romawia hian tun hnaia New Delhi-sorkar laipui dawra an kal chanchin a sawi a; Mualpui, Aizawla Govt. Aizawl College hmunhma siamna leh in sakna atan DoNER aṭangin cheng nuai 1200 hmuh a nih tawh thu sawiin, "College thuam chakna tur RUSA-ah Mizoram chu a ti ṭha ber zinga mi a ni a, state dangin RUSA project bikah utilization certificate leh pawimawh dangte an thehluh hman loh laiin Mizoram chuan a ṭul ang kan thehluh hman avangin cheng nuai 1700 min pek belh dawn a ni," a ti.

HTE Minister hian Mizoram quota-a MBBS leh BDS seat tihtlem a nih vanga seat pek belh leh tura sorkar laipui hotute an dawr dan chanchin a sawi bawk.