V/C bye-election result puang

State Election Co­mmission (SEC) chuan thuchhuah siamin, August 22, 2017-a Lai Auto­nomous District Council (LADC) leh Chakma Autonomous District Council (CADC) chhung khaw pakuaa V/C bye-election result a tichhuak.

Bye-election neihna khaw pakua zinga pa­thum - Ngengpuitlang, Hmawng­buchhuah leh Tuisen­tlangah chuan V/C hmasa ṭhiah a nih avang­in bye-election nei a ni a; khua/veng dang paruk - Chawngtelui, Zum­zautlang, Bolisora, Lawngtlai Vengpui, Archhuang leh Gobasury-ahte chuan V/C member thihna leh bàn vangin bye-election neih a ni.

V/C member zawng zawng thlanna khaw pathum zingah, Tuisen­tlang khuaah Indian National Congress (INC)-in seat pali la vekin an chak a; Hmawngbuchhuahah pawh INC chakin, seat pathum an la a, inde­pen­dent-in pakhat a tling. Ngeng­puitlangah chuan MNF-in seat pali an la vek thung.