MNYF-in Fûrpui Fehchhuah hun hmang

MNF party ṭhalaite chuan Inrinni khan Aizawl­ah, 'Fûrpui Feh­chhuah' hun an hmang leh a; ITI Vengah hun hmangin, MNYF president Lalrinawma, MLA leh hruai­tu dangte'n thu an sawi.

Lalrinawma chuan, MNF a sorkar hunah mawhphurhna la ngam sorkar din an tum thu sawiin, "NIAS-a Mizo zirlai tirhah a changtute'n 'Kan mawh a ni lo' an ti a, a department changtuin mawh a lak lohin tu mawh nge ni ang? "Mizoram hmun hrang hrangah zirtirtu indaih lohna a nasa a, hmun ṭhenkhatah zirtirtu an tam leh em em si. Transfer & posting rules mumal kan neih loh vang a ni a, kan sorkar hunah chuan mumal taka kalpui kan tum dawn a ni," a ti.

MNYF President chuan, sorkar danin a phal anga Mizoramah zu zawrh a nih hnuah zu vanga harsatna tawk chhungkua an tam thu sawiin, "Kan sorkar hian ramhuai tipungtu dân MLPC Act an siam a ni," a ti a; MNF a sorkar chuan zu zawrh chu tihtawp ngei a nih dawn thu a sawi nawn a ni.