Kawṭhalo leh âwmnâ chungchang sawiho

District Level Convergence Meeting on Integrated Action Plan for Pneumonia and Diarrhoea (IAPPD) chu tun hnai khan an chairman, DC Lalzarmawii hoin DC conference hall-ah an ṭhukhawm.

Lalzarmawii chuan khawvel pumpuia naupang kum 5 hnuai lam thi zinga 29% chu awmna leh kawṭhalo (pneumonia leh diarrhoea) vanga thi an nih thu sawiin, "India ramah pawh heng natna avangin naupang thi an tam ṭhin hle. Kum 2013 khan UNICEF in awmna leh kawṭhalo vanga naupang kum 5 hnuai lam thi an tlem theih nan action plan a duang a, India ram ah pawh he action plan hi kalpui mek a ni," a ti.

Mizoramah pawh kawṭhalo leh awmna natna tih tlem theih nan Health department bakah Social Welfare department., PHE, PWD, Enviroment & Forest, Rural Development, UDPA, IPR, Education department leh LAD bakah NGO leh kohhran hrang hrangte nena thawk hoa hmala turin District Action Plan siam a ngaih thu Lunglei DC chuan a sawi.

Thusawitu dang, Lunglei CMO Dr. VLMS Dawngliana chuan Health department chauhin awmna leh kawṭhalo natna te hi a ti rem thei loa tih sawiin, "Line department-te hian pawimawhna an nei ṭheuh a, thawhhona tha tak nen a kalpui a District Action Plan ṭha neih theihna turin ṭha tak leh hlawhtling taka kan tih a ngai a ni," a ti.