Salvation Army hotu dah nghet

Salvation Army-a khawvela hotu lu ber dawttu, chief of staff commissioner Brian Peddle chuan nimin chawhma khan Aizawl Temple Corps-a inkhawmah India Eastern Territory-a territorial commander atan Com. Lalzamlova a dah nghet a; Women’s Ministries territorial president atan Com. Nu-i a dah nghet bawk.

Com. Brian Peddle hian nimin chawhnu khan local officer thlante a kâwm a, zanah Bazar Corps-ah a inkhawm a ni. Inrinni khan nilengin Ramhlun corps-ah Territorial Officers Council a hmanpui a, officer 292 an tel.

Territorial Officer Council-ah hian chawhmaah Com. Brian Peddle-a'n thuchah a sawi a; SA officer-te chu Pathianin kohna ang taka rawngbawl tur leh a tana nung tur te, ngaihsak ngaite ngaihsak tur te, thurin humhim turtein a chah. Chawhnu lamah rawngbawl zelna kawnga hmasawnna tur leh ṭhahnem­ngai zawka rawngbawl dan tur an sawiho a ni.

Salvation Army hotu hian vawiin hian Mizoram a chhuahsan ang.