Samagra leh MATA-in thuthlung ziak

Hmeichhe naupangte mahnia invên him dan zirtirna tur, Rani Laxmibai Atma Raksha Prashishan atan Samagra Shiksha leh Mizoram Amateur Taekwondo Association (MATA) chuan nimin khan School Education conference hall-ah thawh­hona thuthlung an ziak. Thawhhona hian Mizo­rama sorkar sikul zawng zawng a huam dawn.

Thawhhona thu­thlungah hian Samagra Shiksha aiawhin additional state project director C Lalthanzira'n hming a ziak a, MATA aiawhin general secretary Joseph Thansanga'n hming a ziak.

Thawhhona hian Samagra Shiksha hnuaia Mizorama sorkar sikul zawng zawng, sikul 1,263 a huam dawn a, hmeichhe naupangte'n mahni invên him dan (self defence) an thiam theih nan leh inrintâwkna an neih theih nan MATA-in mahni inven dan leh hmanraw awm hnai apiang hman ṭangkai thiam dan an zirtir dawn a ni.

Sorkar thuchhuah tarlan danin, Mizoram Samagra Shiksha-in mahni invên dan a kalpui hi India rama tichhuaktu a ni a, Mizoramin a tih hnuah sorkar laipuiin ṭha a tih avangin India ram state dang zawng zawngah kal­pui tura ruahman zui a ni.