Bar Council diamond jubilee lâwm

Bar Council of Assam, Nagaland, Mizoram, Arunachal Pradesh & Sikkim chuan September 11, Pathianni khan Guwahati-ah kum 60-na, diamond jubilee an lawm a, Assam Gover­nor Jagdish Mukhi khuallian niin, Mizoram Law & Judicial minister TJ Lalnuntluanga khual­zahawm a ni.

TJ Lalnuntluanga chuan, ukilte chu sorkar hnathawk anga thlabi hlawh la an nih loh avangin an tan corpus fund siam a ṭul thu a sawi a, "Hemi kawngah hian ngaihtuahna sên a hun tawh. Public interest litigation (PIL) hman danah ukilte an pawimawh a, dik lo taka mimal beih nana hman a awm tam telh telh nia lang hian ram nuam lo leh hreawm takah min hruai lut thei," a ti a; PIL-ah ukilte chu dan lama mi râwn tur an nih angin mipuite kawng dika kaihruai turin a chah.

Diamond jubilee lawmnaah hian high court judge te, Bar Council of India hotute leh ukil eng emaw zat an tel a ni.