PMNAM chungchang inzirtir

Labour, Employment, Skill Development and Entrepreneurship (LESDE) department leh Lunglei DC chuan nimin khan Lungleiah thiam thil mila eizawnna tur inzirtirna 'Sensitization/awareness programme for Prime Minister-National Apprenticeship Mela (PMNAM)' an buatsaih a, district bawrhsap Kulothungan A-in a hawng.

Kulothungan A chuan, PMNAM chu Mizoram tan scheme thar a nih thu sawiin, "He scheme hian thiamthil mila eizawnna tur inzirtirna, sikula inzirtirna ang lo takin he programme-in a tum ber chu kut themthiamna lama hmasawn leh eizawn tumte eizawng tlaka an thiamna chher hriam a ni," a ti.

LESDE consultant ZL Chhunga sawi danin, Ministry of Skill Development and Entrepreneurship-in thla tin Thawhṭanni vawi hnihnaah PMNAM a buatsaih dawn a; scheme hmanga apprentice-te'n stipend 25% an dawn theih chu direct-in employer/chhawrtute'n an hmu let thei a, skill training nei sa lote tan basic training neihna man a tumpui thei bawk.