Falam-in ṭanpuina hlan

Mizoramin kumina khuarel chhiatna - leimin leh tuilian a tawrh ṭanpui nan Falam, Myanmar-a Zo hnahthlak pawl, Chin Relief - Rehabilitation and Commu­nity Development Foun­dation (CRCDF) aiawhte chuan August 27, Pathianni khan Central YMA hnenah Rs. 7,31,700/ an hlan.

Ṭanpuina hlanna in­khawm hi CYMA president Lalbiakzuala'n a kaihruai a; CRCDF hi an chairman-1 Hrang Lawm, Falam Town­ship Elders chairman leh CRCDF chairman-2 Dar Lian Uk, Falam Municipal Committee-7 chairman hoin an lo kal a, an vaiin mi pariat an ni.