GST-ah khauh turin sorkar kan phût - Lalduhoma

ZNP president Lal­duhoma chuan nimin khan an party pisaah thu sawiin, Mizoram Goods and Services Tax (GST) chu sorkar­in khauh takin kengkawh se a duh thu leh, a ṭul anga theihtawpa sorkar puih a inhuam thu a sawi.

Lalduhoma chuan, Mizoram Assembly-in May 25, 2017-a Mizoram GST Bill an pass leh VAT Act 2005 hnuai­a hnam dang laka inhumhalhna awm ṭhinte pawh chhawm nun zel a ni chu lawm­awm a tih thu a sawi a, "Amaherawhchu, online registration tih theih a lo ni bawk nen, a taka kalpui a nih hnu rei lo tê chhungin hnam dang, kum hnih valid ILP nei lote pawh an in register leh nual tawha hriat a ni. Chuti a nih chuan economic asimillation chak takin a lo thleng dawn," a ti.

GST Act chu khauh taka kengkawh tura sorkar ngenin Duhoma chuan, "Huaisen taka kal phawt mai turin sorkar hi kan phût a ni," a ti a; Central sorkar emaw, Court emaw aṭang­a do zawh loh thil­in a nang a nih erawh chuan indemna tura an ngaih loh thu a sawi.