Eng chhit man a pek lâwk theih dawn

Sorkar laipui ruahman angin Mizoramah electric consumer meter zawng zawng chu eng chhit man pek lâwk theihna (pre-paid system) smart meter-a thlak vek turin hmalak mek a ni a, hemi atan hian Mizoram sorkar chuan Ministry of Power aṭangin cheng vbc 173.63 a dawng tawh.

Sorkar thuchhuah tarlan danin, smart meter hman ṭan a nih hunah control centre aṭangin meter disconnect leh re-connect a tih theih dawn a, bill bá chu chawp leh chilhin a hmuna kal kher ngai loin tih thim nghal theih a ni dawn. Mizoram sorkara Power & Electricity department-a engineer-te chuan nimin khan pre-paid system chungchang zirhona hi an nei a ni.

Internet service provider te angin Design Build Finance Operate Own and Transfer (DBFOOT) model hmangin Advance Metering Infrastructure Service Provider pakhat PE department hian a ruai ang a, anni hian pre-paid-a eng chhit man top-up mai theihna tur thil ṭulte an ngaihtuah ang.

Pre-paid system kalhmang ṭhenkhat

# Mipuite'n electric an hman tawk man zat tur thla khatah vawi hnih emaw vawi thum emaw top-up hmangin an pe thei dawn.

# Thla tawpah a hlawma pek theih a ni tawh dawn lo.

# Smart meter prepaid mode kalpui a nih hunah meter reading lak aṭanga bill siam thlengin mihring an inrawlh thei tawh dawn lo.

# Bill siam sual lakah thui tak a veng thei tura beisei a ni.

# Mobile apps hmangin electric eng chhit man pek lâwk tawh tur a ni dawn.

# Electric bill chhût chhuahna atan tha leh sum sen a ngai tawh lo ang.

# Sub-division bill counter-te electric bill dawn nan bik hman zui a ngai tawh dawn lo.

# 11kV feeder level leh DT level energy audit & accounting-te felfai zawka neih theih a ni tawh ang.

# Hei hian kawlphetha kal ral tur eng emaw chen a veng dawn.