MLA-in ramri vengtute a fuih

Aizawl South-I bialtu MLA C Lalsawivunga chuan nimin khan Mizoram leh Myanmar ramria awm Zokhawthar a tlawh a, task force duty-te chu Mizoram tana thawk an nih hria a, hrileng ṭihbaiawm tak leh hrehawm tak karah pawh huaisen leh ṭhahnem­ngai taka thawk zel turin a fuih.

C Lalsawivunga chuan, Zokhawthar task force duty-te chu an khua mai ni lo, Mizoram ram himna hna pawimawh tak thawk an ni tih sawiin an thawhrimnaah lawmthu a hrilh a, ngawrh lehzuala ṭan la tur leh theih­tawp chhuah zel turin a fuih a ni.

ZPM aṭanga thlan tlin MLA chuan, Covid-19 boruak aṭangin kut hnathawh uar kawngah mipui an ṭhangharh a ṭulzia a lang tih sawiin, "Hetiang hun khirh leh harsatna hi kan tawk fo thei a, chutiang hunah chuan buai lo tura inbuatsaih thar turin mipuite'n kut hnathawh kan uar a ṭul a ni," a ti.