Thisen pek leh a kaihhnawih zirho a ni ; A thlawna thisen pekah Mizoram 11-na

Vinita Srivastava sawi danin, India ramah blood bank 270 hawn a ni tawh a, blood van 120 sem chhuah a ni tawh. India rama damlote thisen mamawh zinga 60% chu an chhungte leh volunteer-te pek khawm a ni a; fimkhur tâwk loh vangin thisen inpek aṭanga HIV/AIDS kai mi 2,234 an awm thu, tun hnai khan The Hindu chanchinbuin a tarlang.

State Blood Cell-a state nodal officer Dr Eric Zomawia sawi danin, kum 2016-17 chhung khan Mizorama blood bank 10-ah thisen unit 25,895 pek a ni a, chu'ng zinga 83.27% chu voluntary donation niin, Mizoram chu India rama state zingah voluntary blood donation san lamah 11-na a ni.

Mizoramah blood bank 10 a awm bakah, thisen dah ṭhat theihna tur blood storage centre 12 a awm a, mahse, sum harsatna leh khawl chhiat vangin storage centre pathum chiah hman theih rih a ni.

Dr Eric Zo­mawia chuan, sorkar laipui chuan­in India ramah e-blood banking ‘E-Rakht Kosh’ bul ṭan a tum mek a, Mizoram aṭang pawhin blood bank-a thawk doctor leh technician 30-in training an zo tawh tih a sawi.

Workshop hi National Health Mission (NHM), National Institute of Biologicals (Noida), State Blood Cell (Mizoram) leh Association for Voluntary Blood Donation (AVBD)-te buatsaih a ni a; vawiinah chhunzawma zawh a ni ang.