Polling station dinhmun thlirho

Lunglei District Level Standing Committee chu nimin khan DC conference hall-ah an ṭhukhawm a; an district chhunga polling station hrang hrang dinhmun an thlirho.

Meeting-ah hian, Lung­lei district chhunga polling station hawn thar chung­chang te, polling station building thlakte leh polling station tihtawp chung­changte an rel a; Ṭhangpui, Bualte leh Bolia khuaahte polling station thar hawng turin hmalak ni se, an ti.

Polling station atana hman mek zinga building ṭha tâwk lo, ṭha zawka sawn ngaite ngaihtuah a ni a; Lunglawn, Sethlun, Thingsai-II, Kanghmun South, Zote South, Tuikawi leh Rolui khuaahte polling station thlak an rel.

Meeting-ah hian sorkar official-te bakah tlawmngai pawl hrang hrang aiawhte leh political party hrang hrang aiawhte an tel a ni.