Innovation Hub-in protective visor hlân
Mizoram Science Centre hnuaia Innovation Hub-in Covid-19 léng donaa a hmatáwnga thawkte hman tur plastic hmanga siam, hmai khuhna (protective visor) an siam chu nimin khan Health & Family Welfare minister Dr R Lalthangliana leh Home minister Lalchamliana te an hlân.
Science & Technology-a chief scientific officer Dr RK Lallianthanga chuan minister pahnihte hnenah hian protective visor 12 ve ve a hlân a; a ṭul ang zelin an siam belh theih thu leh ni khatah pathum vel an siam hman thu a sawi.