Aizawl Civil Hospital Damdawi-in ṭhaah thlang

India hmarchhak state sorkar damdawi-in zinga a vawi khatna leh India ram pum damdawi-in zinga pahnihna ni turin, Aizawl Civil Hospital (ACH) chu nimin khan National Quality Assurance Certi­ficate (NQAC) hlan a ni.

NQAC hlanna in­khawmah hian Health minister Lal Thanzara chuan, kumin chhunga a hmasa ber leh India rama pahnihna ni tura Aizawl Civil Hospital-in NQAC a dawng thei chu lawmawm a tih thu a sawi a, "Certificate dawng tura tehfung khirh leh chipchiar tak an paltlang hi hospital-a thawktu zawng zawngte thawh rah a ni," a ti.

Ram chhung mipui tam zawkte chu hriselna kaihhnawihah sorkarah an innghat nasa hle tih a sawi a, "Rethei tak takte pawhin an ban phak sorkar damdawi-inte hian hma an sawn zel theih nan ṭan a la a ni," a ti a; Aizawl Civil Hospital-in NQA Certificate a dawng thei chu Mizoram tan hlawhtlinna ropui tak a nih thua sawi.

NQAC hlanna in­khawmah hian Ministry of Health & Family Welfare aṭangin Quality Improvement-a senior consultant Dr Parminder Gautam leh consultant Dr Deepika Sharma te an lokal a ni.