ODF-a Mamit district puan dan tur sawiho

Mamit district chhung­a village council leh tlawm­ngai pawl aiawhte chu nimin khan Mamit Chhim­veng YMA Hall-ah koh­khawm an ni a; inthiarna mumal nei lo awm lohna, open defecation free (ODF)-a Mamit district puan a nih theihna atana hma­lak dan tur an sawiho a, PHE chief minister C Lal­lunghnema'n a hmanpui.

C Lallunghnema chuan, Mamit district ODF-a puan mai theih tura hmalakna kal mekah khaw tina khawtlang hruai­tute leh tlawmngai pawl hruaitute chu a pawimawh ber an nih vangin ṭha­hnemngai taka zirhona hun hmang tur leh thil hriatthiam loh an neihte pawh zawhna zawt turin kalkhawmte a sáwm a ni.

Swachh Bharat Mission (Gramin) Mission Director hnuaiah India ram chu October 2019-ah chuan páwn lêra inthiar awm lohnaa siam tum a nih thu sawiin PHE CE chuan, "Ram pumah hma nasa takin lak chhoh mek a ni. Mizoramah pawh nasa taka ṭan lak chhoh mek zel niin, district palite chu páwn lèra inthiar awmlohna ODF-a puan tawh a ni," a ti.

Inkhawm hi PHE superintending engineer HC Lalnunzira'n a kaihruai a, V/C leh tlawmngai pawlte aṭanga zawhna awmte chu mithiamten an chhang a ni.