Khawpui fai zawka enkawl dan tur rel

Serchhip khawpui chhunga village council leh tlawmngai pawl hruaitute chu, nimin khan DC Sangchhin Chinzah hmalaknain DC conference hall-ah kohkhawm an ni a, Serchhip khawpui fai zawka enkawl a nih dan tur an rêl.

Sangchhin Chinzah chuan, UDPA department bultuma district khawpui tan faina lama intihsiakna leh khawpui dangte tana intihsiaknate buatsaih a nih thu sawiin, "Intihsiaknaah hian dinhmun ṭha taka Serchhip a din theih nana rua­hmanna neih pawimawh," a ti a; district khawpui fai ber an nih theihna atana hmalakna tur pawimawh leh inbuatsaihna tur chi tinrengah kalkhawmte chu ngaihdan nei pha chin an nih beisei vanga sawm khawm an nih thu a hrilh.

Serchhip district chu ram lailia awm a nih avangin kawng engkima entawntlak nih tum a pawimawh thu sawiin DC chuan, "Intihsiaknaa lawm­man dawn ngawr ngawr aiin, fai vanga mihringin lawmman hlu chi tinreng a hmuh theih­te rilrua dah lian chung­a ruahmannate neih a pawimawh a ni," a ti.

Meeting-ah hian UDPA-in khawpui fai a tehna tur chi hrang hrangte sawi zuina leh hmalak dan tur rawtnate an siam a, ruahmanna hrang hrang an chhawpchhuahte hi a theih chin chinah hmalak zui nghal tum a ni.