Sorkar inthlahdah vangah puh

MPC party ṭhalai chuan thuchhuah siam­in, Mizoram University (MZU)-in kum hnih dáwn vice chancellor nghet an neih tawh loh vanga harsatna tam tak an tawh phah chu pawi an tih thu an tarlang a, "Mizoram sorkar inthlahdah leh dâwngdah vangah kan ngai," an ti.

MPCY chuan, "Mizorama kan zirna rûn sang berin harsatna a tawh sutkiansak tumna nei loa hei chen Mizoram sorkarin beng a chhut ngawnsan thei hi a mawhphurtu ber chief minister Pu Lal Thanhawla kan dem tak zet a ni," an ti a; Mizoram University Students Council-in September 5, 2017 hmaa vice chancellor nghet dah an phût avangin, harsatna lian zawk a thlen hmaa vice chancellor nghet dah a nih theih nana hma la turin CM Lal Thanhawla an phût a ni.