Vaihlo hal ral

Kolasib Anti-Tobacco Squad chuan nimin khan Mizoram State Anti Tobacco Day vawi 9-na pualin DC pisa tualzawlah vaihlo leh a kaihhnawih an mante tih ralna hun an buatsaih a; district bawrhsap John LT Sanga'n ramdang meizial bawm 1,073 leh sikhar bawm 726 a hal ral. Kolasib Anti-Tobacco Squad secretary Dr C Vanlalhlimpuia tarlan danin, April 2021 aṭanga nimin thleng khan awareness campaign vawi 11 leh training vawi kua an buatsaih tawh a, ATS drive vawi 87 an kalpui chhungin dan bawhchhia mi 43 an man tawh. April 2021 aṭanga August 2022 thleng khan vaihlo nghei duh, Tobacco Cessation Clinic pantu mi 312 an awm a, heng zinga 8.97% chuan an nghei a ni.